شاهد.. أول رد لعمرو يوسف على شائعة القبض عليه وكندة بمخدرات

نفى الفنان عمرو يوسف شائعة القبض عليه وزوجته الفنانة كندة علوش، بمنطقة العجوزة وبحوزتهم مواد مخدرة، مضيفا أنها شائعة سخيفة وليس لها أساس من الصحة.

وسرد يوسف، فى فيديو بثه عبر حسابه الرسمى على موقع التواصل الاجتماعى "فيس بوك"، قائلا:"صحيت النهاردة الصبح على خبر بايخ جدا وغريب جدا، كاتبين أحد المواقع أنه تم القبض عليا أنا وزوجتى فى القاهرة، ومعانا أقراص مخدرة، طبعا الموقع ده المفروض أنه موقع محترم وكبير وله أسمه".

وتابع :"مبدئيا كندة مراتى فى الجونة، واللى متابعنا على السوشيال ميديا بقالنا فترة قاعدين فى الجونة، وأنا رجعت امبارح وهى لسه هناك، عشان كان عندى اجتماع شغل، امبارح والنهاردة وهسافر تانى، الموضوع مالوش أى أساس من الصحة، صحيت النهاردة لقيت الخبر زى الناس بالظبط، لقيت واحد صاحبى بيصحينى الحق ده فى خبر كذا كذا".




وأشار : "بعمل الفيديو ده عشان 3 حاجات أول حاجة عاوز أطمن كل الناس اللى بتسأل عليا والتليفونات الكثيرة اللى مش عارف ارد عليها كلها، بشكركم جدًا أنا زى الفل وما فيش أى حاجة وكندة فى الجونة واحنا زى الفل".

وتوعد الناشرين : "تانى حاجة كل موقع أو صحفى كتب من غير ما يتحرى الدقة أو يتأكد من الخبر أنه صح أو غلط، فى قضايا ها تترفع علشان نجيب حقنا بالقانون".

وأنهى حديثه :" رقم 3 بشكر كل صحفى محترم أهتم وكلمنى وأنا رديت عليه وأتاكد إنه مفيش أى حاجة وأنا فى البيت مفيش أى مشاكل خالص وبشكركم جدًا إنكم اهتميتوا وكتبتوا الأخبار الصحيحة مش الغلط، بشكركم جدًا وأنا كويس جدًا وكندة زى الفل وصباح الفل عليكم".

وردت الفنانة كندة علوش على الشائعة عبر حسابها بموقع التدوينات القصيرة "تويتر" وكتبت :"صباح الخير أنا فى الجونة وعمرو فى القاهرة عنده شغل وراجع تانى، شكرًا لكل صحفى محترم اتصل وتحرى الدقة أما المواقع المغرضة فبيننا وبينها القضاء".